Shitet Biznes Mediatik – Brand i Konsoliduar në Shqipëri

Ofrohet për shitje një biznes mediatik i konsoliduar, me aktivitet shumëvjeçar në fushën e meteorologjisë, klimës dhe informacionit mjedisor. Ky investim përfaqëson një mundësi të rrallë për kompani mediatike, investitorë strategjikë ose sipërmarrës që kërkojnë një brand me prezencë të fortë në tregun shqiptar dhe potencial zhvillimi në nivel rajonal. Biznesi disponon një ekosistem të plotë digjital, i cili përfshin website aktiv, aplikacion mobil, kanale në YouTube, Facebook, Instagram dhe TikTok, si edhe platforma transmetimi TV dhe Radio online. Aktiviteti është funksional dhe i ndërtuar mbi një audiencë të krijuar ndër vite. Biznesi ka ndërtuar bashkëpunime me institucione publike, organizata ndërkombëtare dhe kompani të specializuara në projekte dhe kontrata shërbimi.Kontratat aktive vijojnë edhe pas transferimit të biznesit, ndërsa ofrohet mbështetje gjatë procesit të tranzicionit për investitorin e ri. Një mundësi unike për të investuar në një biznes me infrastrukturë të plotë mediatike, asetet digjitale, të dhëna me vlerë afatgjatë dhe një rrjet të konsoliduar bashkëpunimesh.