Dyqan për shitje në zonën e Profarmës

Pershkrimi i Prones

Ofrohet për shitje një njësi biznesi në një nga zonat më të frekuentuara dhe me potencial të lartë zhvillimi në Tiranë, në Rrugën e Kavajës. Pozicionimi strategjik në një aks kryesor të qytetit e bën këtë pronë shumë të përshtatshme për aktivitete të ndryshme biznesi, duke përfituar nga qarkullimi i lartë i banorëve dhe klientëve gjatë gjithë ditës.

Njësia ka një sipërfaqe totale prej 224 m² dhe aktualisht është funksionale si pasticeri, e investuar dhe e pajisur plotësisht me aparaturat dhe mobilimin përkatës për ushtrimin e aktivitetit. Ambienti është i organizuar në mënyrë profesionale dhe gati për të vijuar menjëherë aktivitetin për një biznes të ngjashëm.

Prona ofrohet për shitje me çmimin 3500 € / m², që për sipërfaqen totale prej 224 m² përkthehet në një çmim total prej 784,000 € në gjendjen aktuale. Në rast se blerësi nuk dëshiron ta marrë biznesin së bashku me pajisjet dhe investimin e brendshëm ekzistues, ekziston mundësia e diskutimit për ulje të çmimit.

Njësia ofron gjithashtu mundësi shumë të mirë zgjerimi, pasi disponohet edhe një ambient tjetër ngjitur në rast se blerësi dëshiron të rrisë sipërfaqen dhe aktivitetin e biznesit.

Një avantazh i rëndësishëm i kësaj prone është edhe disponueshmëria e 12 vendeve parkimi në katin -1, të cilat mund të blihen veçmas me një çmim prej 15,000 € për secilin parking. Nëse blihen të gjitha, kostoja totale e parkimeve është 180,000 €.

Kjo pronë përbën një mundësi shumë të mirë investimi për biznese të gastronomisë, shërbimeve, klinika, zyra apo aktivitete të tjera tregtare që kërkojnë një lokacion të dukshëm dhe me akses të lehtë në një nga zonat më dinamike të qytetit.